तनहुँमा सडकमा रोकिराखेको बसमा कार ठोक्किँदा २ जना घाइते भएका छन्।
तनहुँ म्याग्दे गाउँपालिका- १ गुणादी स्थित सडकमा रोकिराखेको ना ५ ख ५३५९ नम्बरको बसलाई बागमती बिएसी ५७४० नम्बरको कारले ठक्कर दिएको थियो।
बस काठमाडौंबाट पोखरा जाँदै थियो।
जिल्ला प्रहरी कार्यालय तनहुँका डिएसपी मोहनबहादुर खाणका अनुसार दुर्घटनामा कारमा सवार दुइजना घाइते भएका छन्।
घाइतेहरूमा कास्कीको पोखरा महानगरपालिका-१६ का ३२ वर्षीय विकास बानियाँ र ३१ वर्षीय सञ्जिव भण्डारी छन्।
