दमौली – तनहुँको सदरमुकाम दमौली लगायत विभिन्न स्थानहरूमा आज तीन घण्टा विद्युत अवरूद्ध हुने भएको छ।
दमौली बजार र आसपासका क्षेत्रमा आज बुधबार दिउँसो तीन घण्टा विद्युत अवरुद्ध हुने भएको नेपाल विद्युत प्राधिकरण तनहुँ वितरण केन्द्रले जनाएको छ ।
तनहुँ वितरण केन्द्रका अनुसार दमौली, तनहुँसुर, छाब्दी, थर्पु र सोती फिडरबाट विद्युत आपूर्ति हुने सबै क्षेत्रहरूमा विद्युत सेवा बन्द हुने जनाइएको छ ।
दमौलीस्थित सवस्टेशनमा पावर ट्रान्सफर्मर तथा ब्रेकर प्यानलमा मर्मत गर्नुपर्ने भएकाले बुधबार दिउँसो १२ बजेदेखि ३ बजेसम्म विद्युत अवरुद्ध हुने नेपाल विद्युत प्राधिकरण तनहुँ वितरण केन्द्रले जनाएको छ ।
