तनहुँ- तनहुँको व्यास नगरपालिका–१ अम्रेनीमा गत सोमबार चिनियाँ कम्पनीको पानी ट्याङ्करले व्याक गर्ने क्रममा च्यापिएर मृत्यु भएका युवाको परिवारलाई रु २५ लाख राहत दिने सहमति भएको छ ।
व्यास नगरपालिका–१२ कमलाबारी निवासी २९ वर्षीय प्रविण कैनीको परिवारलाई रु २५ लाख राहत दिने सहमति भएको हो । पीडित परिवारले बीमा बापतको रु पॉच लाख छुट्टै पाउनेछ । कैनी व्यास नगरपालिकामा इन्जिनियर थिए ।
घाँसीकुवाबाट दमौलीतर्फ आउँदै गरेको मुग्लिन पोखरा सडक निर्माण गरिरहेको चिनियाँ कम्पनीको ट्याङ्करले सोही दिशाबाट आउँदै गरेको मोटरसाइकललाई व्याक गरेर ठक्कर दिँदा कैनीको घटनास्थलमै मृत्यु भएको थियो । सोही दिनदेखि पीडित परिवार आन्दोलित थिए ।
जिल्ला प्रशासन कार्यालय तनहुँमा आज बसेको दुवै पक्षको बैठकले राहतका विषयमा सहमति गरेको हो । त्यस्तै पीडित परिवारका एक जनालाई आयोजनामा रोजगारी दिने सहमति भएको छ ।
