काठमाडौं- गण्डकी प्रदेशको मुख्यमन्त्रीमा सुरेन्द्रराज पाण्डे नियुक्त भएका छन् ।
पाण्डेलाई प्रदेश प्रमुख डिल्लीराज भट्टले बुधबार संविधानको धारा १६८ (३) अनुसार मुख्यमन्त्रीमा नियुक्त गरेका हुन् ।
संविधानको यो उपधारामा प्रदेशसभाको सबैभन्दा ठूलो दलको नेतालाई मुख्यमन्त्री नियुक्त गर्ने प्रावधान छ । यसअघि गत सोमबार सर्वोच्च अदालतले पाण्डेलाई मुख्यमन्त्री नियुक्त गर्न परमादेश जारी गरेको थियो ।
एमालेका नेता तथा मुख्यमन्त्री खगराज अधिकारीले लिएको विश्वासको मत र नियुक्ति प्रक्रिया खारेजको माग गर्दै पाण्डे सर्वोच्च पुगेका थिए । सर्वोच्चले पाण्डेको रिट जारी गरिदिएसँगै अधिकारी नेतृत्वको सरकार ढलेको थियो ।
