दमौली – लायन्स क्लब अफ तनहुँ दमौलीको आयोजनामा सञ्चालित एक दिने मोटर साइकल र स्कुटर मर्मत तालिम दमौलीमा सम्पन्न भएको छ । शनिवार क्लबले दमौलीमा एक कार्यक्रमका बिचमा मोटर साइकल र स्कुटर मर्मत सम्पन्न गरेका हुन् ।
जिल्ला ट्राफिक कार्यालयका प्रमुख प्रहरी नायब निरीक्षक सन्तोष पौडेलले कार्यक्रमको उद्घाटन गर्दै सवारीसाधनको इन्जिन र अवस्थाका कारणले पनि धेरै दुर्घटना हुन सक्ने भएकाले समय समय मर्मत गर्नु पर्ने बताए ।
कार्यक्रममा क्लबका अध्यक्ष रनिल रोकाले देशभित्रै सिपयुक्त जनशक्ति विकास गर्न र सवारी सुरक्षा सम्बन्धी ज्ञान प्रदान गर्ने उद्देश्यले उक्त कार्यक्रम गरेको बताए ।
व्यास नगरपालिका वडा ४ का वडा सदस्य सरोज भण्डारी, क्लबका संस्थापक अध्यक्ष राकु श्रेष्ठ, डिस्ट्रिक्ट क्याबिनेट वसन्त गिरी, विमला श्रेष्ठ, लगायत मन्तव्य राखेका थियो ।
काठमाडौँका रुद्र खनालले प्रशिक्षण प्रदान गरेको कार्यक्रममा कल्बका सम्पूर्ण पदाधिकारी र सदस्य तथा बाहिरी गरी ५५ जनाको सहभागिता रहेको थियो।
