तनहुँमा जनतासँग माओवादी विशेष रूपान्तरण अभियानको तयारी बैठक अन्तिम चरणमा

दमौली १५ भदौ
नेकपा माओवादी केन्द्रले थालेको अभियान घरघरमा माओवादी,जनजनमा माओवादी भन्ने मुल नाराका साथ अन्र्तगत तनहुँमा पनि तीब्र रुपमा तयारी बैठक संचालन हुदै आएको छ । जिल्लाको दशवटै पालिकामा तयारी बैठक अन्तिम चरणमा पुगेको नेकपा माओवादी केन्द्र तनहुँले जनाएको छ ।
नेकपा माओवादी केन्द्रका केन्द्रीय अध्यक्ष पुष्पकमल दाहालले तीन महिने अभियानको भाद्र १६ गते उदघाटन गर्दै छन् । प्रथा सहिद दिलबहादुर रम्तेलको गाउँपालिकाबाट अध्यक्ष प्रचण्डले उदघाटन गर्ने कार्यक्रम रहेको तनहुँका इन्चार्ज शैलेन्द्र घिमिरेले जानकारी दिए । कार्यक्रम उदघाट पश्चात मंसिर १५ गते तीन महिनासम्म उक्त अभियान लागु हुनेछ । टोल,बस्ती र वडामा पुगेर नेतृत्ववर्ग कार्य कर्तासंग भेटघाट गर्दै संगठन बिस्तार कार्यमा सहयोग गर्ने छ ।
जिल्लाका दश वटै पालिकामा नेतृत्व चयन गरि खटाइएको छ । जस अनुरुप देवघाट गाउँपालिकामा देबेन्द्र पराजुली,घिरिङमा बालकृष्ण गैह्रे,भीमाद बालकृष्ण रानाभाट,शुक्लागण्डकी तेजकुमारी पौडेल,ऋषिङमा ओमराज आले,आँबुखैरेनी गायत्री गुरुड,बन्दीपुरमा खोपबहादुर कँडेल ,भानुमा हरिबहादुर चुमान,व्यासमा शैलेन्द्र घिमिरे र म्याग्देमा राजेन्द्रकेशरी न्यौपानेलाई खटाइएको छ ।
व्यासका १४ वडामध्ये वडा नं २,३,४ र ९ बाहेक अन्य वडामा तयारी बैठक सम्पन्न भैसकेको नेकपा माओवादी केन्द्र व्यास नगर समितिका अध्यक्ष रामचन्द्र सापकोटाले जानकारी दिए ।