दमौली -जिल्लामा क्रियाशिल सामाजिक संस्था जेसीआइ व्यास नगरले नयाँ बर्षको शुभकामना आदान प्रदान तथा भित्ते पात्रो विमोचन गरेको छ । आइतबार नयाँ वर्षको शुभकामना तथा विमोचन कार्यक्रमको आयोजना गरि २०८१ सालको भित्ते पात्रो विमोचन गरेको हो ।
उक्त भित्ते पात्रो संस्थापक अध्यक्ष रामलाल श्रेष्ठ, पूर्व अध्यक्षहरु बलराम वाग्ले, देबकुमार श्रेष्ठ,कृष्ण सुनार र अध्यक्ष नविन पुरीले संयुक्त रुपमा विमोचन गरेका हुन् । सोही अवसरमा उनीहरुले एक आपसमा नव वर्षको शुभकामना समेत व्यक्त गरेका थिए । साथै संस्थाका पदाधिकारी तथा सदस्यहरुले पनि शुभकामना आदान प्रदान गरेका थिए ।
संस्थाका अध्यक्ष नविन पुरीको अध्यक्षमा सम्पन्न कार्यक्रममा शाखा सम्पादक तथा क्यालेन्डर प्रकाशन समितिका संयोजक बिनोदकुमार गोशलीले स्वागत गरेका थिए भने महासचिव सनम अधिकारीले कार्यक्रम संचालन गरेका थिए ।
