तनहुँ ९ असोज
तनहुँको व्यास नगरपालिका–१२ छिर्कनेमा २२ महिने बालकको घरको छतबाट खसेर मृत्यु भएको छ ।
मृत्यु हुने बालक मनिष सापकोटा रहेको जिल्ला प्रहरी कार्यालय तनहुँले जनाएको छ ।
छतमा खेल्ने क्रममा खसेका उनलाई दमौली अस्पतालमा प्राथमिक उपचार पश्चात् पोखरा पठाइएको थियो । उपचारका क्रममा आज पोखरामा मृत्यु भएको प्रहरी नायब उपरीक्षक मोहनबहादुर खाँणले जानकारी दिए ।
उक्त घटनाबारे थप अनुसन्धान भइरहेको प्रहरीले जनाएको छ।
