११ भदौ, काठमाडौँ । एसिया कप क्रिकेट खेल्नका लागि क्रिकेटर सन्दीप लामिछाने सोमबार कतारको दोहा हुँदै पाकिस्तान पुग्ने बताइएको छ ।
जबरजस्ती करणीको कसुरमा सन्दीपको मुद्दा आइतबार अन्तिम सुनुवाइ हुने भएको थियो तर समय अभावका कारण सन्दीपको मुद्दा हेर्न नभ्याउनेमा परेपछि सन्दीप सोमबार पाकिस्तान गएका हुन् । जबरजस्ती करणीको कसुरमा सन्दीपविरुद्ध काठमाडौँ जिल्ला अदालतमा मुद्दा चलिरहेको छ ।
लामिछानेको अर्को पेसी भदौ २१ गते तोकिएको छ । भदौ १८ अर्थात् सेप्टेम्बर ४ तारिखको नेपाल र भारतबीचको खेल खेलेर लामिछाने भदौ २० गते नेपाल फर्किनेछन् ।
