१० भदौ, काठमाडौ ।
क्रिकेटर सन्दीप लामिछाने विरुद्धको बलात्कार मुद्दाको अन्तिम सुनुवाइका लागि न्यायाधीश प्रकाशप्रसाद पण्डितको इजलासमा पेसी तोकिएको छ ।
यो मुद्दाको सुनुवाइका लागि न्यायाधीश पण्डितको इजलासमा भने पहिलोपटक पेसी चढेको हो । यसअघि पटकपटक पेसी चढे पनि यो मुद्दामा अन्तिम सुनुवाइ हुन सकेको छैन। आइतबार पाँचौं नम्बरमा पेसी तोकिएको छ । आज सुनुवाइ भए पनि आजै फैसला आउने सम्भावना भने कम रहेको छ। न्यायाधीशले हेर्दाहेर्दैमा राखेर सुनुवाइ नगरे पुनः अर्को पेसी तोकिने छ ।
आइतबार मुद्दाको सुनुवाइ सुरु भएर हेर्दाहेर्दैमा राख्ने सम्भावना पनि हुन्छ। यसो भएमा सन्दीप लामिछाने तत्काल पाकिस्तान जान पाउने छैनन्।
स्रोत अनलाइनखबर
