तनहुँ- प्रेस चौतारी नेपाल तनहुँ शाखामा स्थापित क्रियाशील पत्रकारिता पुरस्कारबाट पत्रकार कृष्ण न्यौपाने सम्मानित भएको छ । नेकपा एमाले तनहुँको दशौं जिल्ला अधिवेशनको उद्घाटन समारोहमा उक्त पुरस्कारबाट न्यौपानेलाई सम्मानित गरेका हुन् ।
न्यौपानेलाई नेकपा एमालेका महासचिव शंकर पोख्रेलले पुरस्कार प्रदान गरे। पुरस्कारको राशी नगद १० हजार तथा सम्मान पत्र रहेको छ ।
प्रेस चौतारी तनहुँका उपाध्यक्ष न्यौपाने खबरपुञ्ज डटकमका कार्यकारी सम्पादक र राष्ट्रिय समाचार समिति (रासस) का तनहुँ प्रतिनिधि हुन् ।
प्रेस चौतारी तनहुँले स्थापना गरेको अक्षयकोषबाट दिईने उक्त पुरस्कारबाट यस अघि प्रेमप्रसाद पौडेल, विश्व बन्धु भण्डारी, प्रकाशचन्द्र भट्टराई, बसन्ती बास्तोला र नारयण खड्का पुरस्कृत भईसकेका छन् ।
